Father's Day Entry...

Ang dami kong kwento today na nag uumapaw ng kahindik-hindik at kapana-panabik na impormasyon, mapapa-backlift ka ng three times na may kasunod na hand spring at cartwheel tapos egg roll bilang finishing move at syempre meron din akong kwento tungkol sa isang bagong silang na Cafeteria na sisira ng career ng Starbucks, Coffee bean, Dencio's, Italianis at TGI Friday's dahil sa Sobrang Sarap ng mga pag kain at inumin doon, promise! ang pangalan nya ay Kaffe Razzo. Baket Kaffe Razzo? Well abangan mo sa susunod na post ko dahil meron syang special entry sa Pluma ni Jepoy hindi pa nakaka pag down payment ang may ari kasi (Peace kuya Edsel). Alabet!



Tungkol naman sa isang kwento ko tugkol sa aming lasingan session with few blogger friends at ang mga impormasyon tungkol sa mga usaping idinulot ng espirito ng Alcohol eh next time nalang, Sapagkat ang totoong dahilan ng daglian kong pag susulat (whew! lalim ng tagalog ko) ay dahil po Father's day na.

Mga echuserong Talakitok! Hindi nyo manlang binati mga erpats nyo ng happy father's day (diba glentot). Lapastangan! Nag txt na me kay Papi pero gagawa ako ng letter kasi marunong na mag internet si Papi umiemail na rin ngayon kasi 'yun. So share ko lang ang aking father's day letter to my one and only Papa.

Dear Papi,

Papa paano ba nyan sernior citizen ka na?! Mga two years nalang siguro nakabaston ka na! Wag kang mag alala bibili kita ng wheel chair at iiwan kita sa home for the aged pag pahirap ka na samin. Joke lang po! Happy Father's day Papa. Ayokong mag pasalamat sa lahat kasi responsibility mo namang palamunin me tsaka paaralin, duhr! Pero Gusto kong mag thank you talaga sa'yo. Binili kita ng Tatlong T-Shirt na may nakalagay na " Best Dad in Town". Kahit mumurahin lang yun Papi I mean that so many much. Syempre siningitan ko narin 'yung dalawang libo para naman mag date kayo ni Mudrax sa Max next week pwede na 'yun ha, tight budget me eh! Soot mo yung Polo mo ha wag y'ung pang senior citizen na hawaian shirt mo nakakaalis ng gwapo.

Salamat Papi sa pag hatid mo sa'min sa school parati 'nung elementary kahit naka bisekleta tayo habang ang mga classmates namin ay naka Pajero eh masaya naman tayo. Kasi bonding natin y'un ni Bunso. Tinatakas mo pa ang ice cream namin kasi ayaw ni Mama unhealty daw pero ikaw napaka cool mo. Papi thanks kasi kahit alam mong nandekwat ako ng matrikula one time eh na intindihan mo na paminsan-minsan kelangan ko ng perang pang motel diba?! extra cash baga, ganun naman pag college diba maraming extra curricular, Nakakahiya naman kasi sa mga boardmates ko kung papaalisin ko sila sa kwarto para lang dun. Cool ka talaga! 'Pa thank you kasi noong nag kabagsag ako tapos ayaw kong umuwi lumuwas ka pa ng Maynila sabi mo, OK lang y'un at pag nag ka bagsak pa 'ko ulet hindi mo na ako papaaralin. Nakaka pressure much y'un. Tapos 'nung nag kabagsak ako ulet hindi mo naman ako pina stop, joke time mo lang pala y'un putakels ka!

Papi salamat sa pagiging good example mo. Alam mo lagi kitang pinag mamalaki kahit kanino. Sus kung alam mo lang kaya kong makipag basagan ng bungo kahit kanino pag inaapi ang pamilya natin. Papi salamat sa pag check mo ng kotse ko parati at pag car wash sa kanya, ang kintab kintab nakaka dagdag pogi points sakin kahit hindi ako masyadong macho.

Papi alam mo hindi ito ma tatapos kung sasabihin ko lahat ng good qualities mo bilang Padre de pamilya. You did a great job. Salamat din kasi kahit hindi ako naging Pilot at naging basketball Varsity tulad mo eh Okay lang sayo. Alam kong wala ako sa kinalahati ng hotness mo 'nung nasa ganitong age ka pero you never failed to let me feel good.

Papi I would like to tell you that I love you so much. Hindi ako nahihiya na ikaw ang nag sabit ng mga medals ko. Hindi ako na hihiya na ikaw ang kasama ko na umakyat ng stage noong nag graduate ako ng College kahit wala tayong pambili ng pangkulay ng buhok mo 'nun, puru puti na kasi. Dibale hindi ka naman kalbo so steady ka lang mas pogi ka sa tatay ng classmate kong panot. Salamat sa iyo Papi see you next week, pasensya ka na at hindi ako umuwi kasi tinatamad po me. I love you Papa you will always be part of my success!

Happy Father's day!

Love,

Jepoy