Blogger of the Month- June Edition

Hindi na ako mag bibigay ng che-che bureche pa, ang entry ko ngayon ay ang pagbibigay ko ng parangal sa isang author ng blog sa kadahilanang nakuha nya ang kiliti ko sa kanyang mga panulat at talagang na pa "Whoa!" ako sa kanyang stilo ng pag write, you know what I mean.

Ang pag bibigay ko ng award ay isang symbolo lamang ng appreciation at pasasalamat dahil kahit walang sweldo eh tulad ko, sulat parin sila ng sulat. Ang pag pili sa awardee ay hindi naman kinakailangang puro humor blogs ang sulatin, nag kakataon lang na ito ang aking hilig basahin, siguro hindi naman kasi ako masyadong katalinuhan para mag basa ng mga blogs tungkol sa pag imbento ng HIV cure or mga blogs na nag papaka grammar police or na kikipag debate kung sino ang dapat na maging Presidente ng Pilipinas. Isa lang po akong simpleng tao nag hahanap ng ika re-relax sa mundo ng sapot.

Okay ang dami ko pang che che bureche kala ko straight to the point na. Ang napili kong blogger of the month of June ay nag mula sa planeta ng pluto. Feeling ko long lost brader ko sya kasi pareho daw kaming mataba pero payat na daw sya ngayon ayon sa kanyang recent entry. Hindi ko lang alam kung sino ang mas pogi samin kasi hindi ko ma istalk ang picture nya. LOL

Nainggit nga pala me much kasi meron silang picture ni chiksilog eto yun (hindi ka pa ba humahanga sa pagiging stalker ko?!)



Presenting the June blogger of the Month...

[Insert bonggang drum rolls here]

Ferbert Bautista of Kokey Monster dot com! Yez isa po syang sikat na blogger. Sanay na sya sa mga ganitong award. Mas bigtime pa nga ang mga awards na nakukuha nya. Isang dirt lang ang aking parangal.

Ang isa sa favorite kong article na sinulat nya ay matagal ko ng nabasa siguro mga one year ago na. Hindi ko alam na sya pala ang sumulat 'nun, hongoleng-goleng ng pag kakasulat. Inggit me much. Ito yung link.

Congratulations Ferbert! Ito na marahil ang pinaka prestigious award mo. Walang trophy. Walang cash. Walang HTML at PHP shit. Ang tanging ma ibibigay ko lang ay isang mahigpit na bro hug.

Nga pala muntik ko ng madefy ang aking rule sa blogger of the month. Ang sabi ko diba hindi ako mag feature ng blogger na walang totoong picture. 'yun kasi ang rule number one ko. Buti nalang magaling me mag stalk much.

Eto si Kokey Monster.

Lagi ko nga rin palang kinikowt ang "about me" ng mga favorite blogger ko kasi feeling ko nagiging mas close ako sa kanila pag binabasa ko ang kanilang paunang salita. Eto ang kay Kokey Monster

"Bininyagan sa pangalang John Michael F. D. mula sa bida ng 1980’s tv series na Airwolf. Pinanganak at lumaki sa probinsya sa bandang hilaga sa araw mismo na kung saan pinili si George Herber Walker Bush bilang representative ng Republican Party na kalaunan ay naging presidente ng America, sinisisi ang kanyang mga gamot sa asthma sa kanyang katabaan. Tahimik na nilalang na mahilig mag-isip at magmuni muni.

Kung si Rizal ay mayroong Dimasalang at Laong-Laan, Si Francisco Baltazar ay may Balagtas habang si Rene Requiestas ay may Chitae si Michael o Efbee (kung tawagin sya ng kanyan online friends) ay may nom de plume na FerBert Bautista. Isang katauhan na sobrang opposite sa kanya pero hindi naman gaano.

Panget ang kanyang penmanship kaya sa pag-aakalang mapapabuti ang kanyang sulat kamay kung lagi syang magsusulat ay nagsulat ito ng nagsulat simula sa formal theme writing nya sa elementarya na madalas na topic ay “WHO AM I?” subalit napatunayan lamang nito na hindi ka makakakuha ng perfection sa pagpaprapraktis lamang.

Mahilig mangarap at madalas tawaging ambisyoso. Ugali na rin nyang matulog sa jeepney kaya naman madalas itong lumagpas sa kanyang destinasyon. Nakikipagpatintero sa kalye, kumakain ng fishball sa lansangan sa awa ng Dyos eh hindi pa naman sya nagkakasakit dahil dito, ayaw kumain ng talong, paborito ang okra at saluyot, mahilig kumain chocolates pati choc nut ay hindi pinapatos.

Lumaki sa musika ng Eraserheads at tinuturing na santo si Ely Buendia. Madalas kumanta pag naglalaba, nagluluto, pag naliligo pati sa pagtulog ay kumakanta rin ito. Pangarap nyang maging rockstar na kung saan lahat ng mga dilag ay magkikipagpatayan para lamang makipagsex sa kanya.

May masteral degree sa Failure at kakambal ng hari ng sablay. Naniniwala syang ang tunay na talino ng tao ay hindi nasusukat sa mga papel na nasayang at tinta na natapon sa pag-aaral kundi sa pamamagitan ng abilidad ng taong humarap at makibaka sa hirap ng buhay. Mahiyain, Maingay kung minsan, Mabuting kaibigan, Masamang kaaway, Dating pride ng Family hanggang maging Black Sheep.

Gusto nyang isipin sya si Po Panda(bida sa animated flick na Kung Fu Panda). Clumsy, Fat and Whatever. Mukhang walang direkyon sa buhay pero destiny nya ang maging awesome Dragon Master."