Traffic Chronicles

Sa mga nag nakalipas na Araw ay tila palala ng palala ang traffic sa Edsa mapa North bound o South bound ito, specifically sa may Guadalupe area. Nakaka ubos talaga ng pasensya, minsan nga plano 'kong tiradurin sa Betlog ang mga Chocolate boys at manong MMDA sa sobrang inis ko dahil hule sila ng hule ng traffic violators pag lunch time na. 'Di naman masyadong halatang dumidelehensya sila ng pang lunch nila. Nag ca-cause lalo tuloy ng heavy traffic sa ka-kalsadahan ng edsa, tapos sinasabayan pa ito ng pakingshet na mga Bus na walang pakundangan sa pagharurut from yellow lane to private car lane.

Last time nga nahuli ako sa may Pasay area dahil tumama daw ang gulong ko sa yellow lane, so ako naman dahil ayoko ng hassle, kahit alam 'kong masama ay nag ipit ako ng 100 pesos para hindi na ako ticketan, akalain mong si Manong Chocolate Boy choosy pa talaga! aanhin daw nya ang isang daan, Tinamaan ng lintek!. So, kumuha ako ng another 100 sa pitaka ko at iniabot ng palihim. Nag make face pa sya na tila baga 'di pa kuntento, so dinagdagan ko nanaman ng 50 sabi ko last na yun. At pinayagan na nya akong umeskapo.

Tutal usaping kalsada at traffic naman ito meron lang akong konting tanong sa ating kagalang galang na MMDA Chairman Bayani Fernando baka lang sakaling ma traffic sya at nag wifi tapos nag blog hop nakita nya ang entry ko na'to at malay natin mag reply sya sa comment box ko. Ayos!

1. Chairman baket po Pink ang kulay na napili nyong ipintura sa mga fence na parang sa kulungan ng tiger sa zoo? favorite nyo po ba ang pink? Sana po ay Neon Green nalang Or kung talagang ayaw nyong pa-awat sa pink e Neon pink nalang sana, para madaling makita sa gabi at mabawasan ang mga asidente.

2. Baket po ang hilig ninyong bagubaguhin ang scheme ng mga U-turn slot. Minsan nakakagulat, bigla na lamang sarado na ang U-turn slot tapos next thing you know bigla nanaman pwede na namang daanan, nakakalurky naman yun.

3.Baket po ang hilig nyong mag palagay ng concrete barrier sa kalsada? meron din concrete divider sa Guadalupe ng yellow lane line na dalawang pulgada lang ang taas? Pano naman makikita yoon ng motorista? Minsan naman kahit hindi dapat lagyan ng malalaking bloke ng concrete barrier e nilalagyan nyo, lalo tuloy sumisikip yung daan.

4. Baket ang daming tao sa MRT? Pwede rin bang color coding yung tao sa MRT? kasi siksikan masyado tignan nyo tong kuha ko last time. Tsaka sana bawal po ang my putok tsaka bad breath kasi sayang naman ang freshness ko pag papasok ako sa office... Teka covered po ba ito sa job description nyo? Hindi ata sige sulat ko narin.


5. Last but not the least. Baket kayo sumali ng singing contest?