My Best Prend's Burtdey

Hindi sa lahat ng panahon ay naka-ka-kilala tayo ng mga totoong tao. Oo tama ang iniisip mo. Sa mundo natin ngayon lalo na sa mundo ng sapot marami ang Orocan at Tupperware na mas kilala sa pseudo name na Plastic pero hindi naman tungkol dyan ang entry ko ngayon, sapagkat hindi naman pinag tutuunan ng pansin ang mga ganoong klaseng nilalang. Ang totoo kasi neto Birthday kasi ng best prend kong kolokoy today at dahil nga parte ng mundo ko ang pag susulat eh gusto ko syang bigyan ng munting espasyo sa aking munting mundo ng blog kasama ng tatlo kong peytpul readers nyahihihi.

Si Enchoy ang pinakamatalik kong kaibigan mula pa noon, 13 years na ang nakakalipas mula ng mag krus ang landas namin (Parang lovers lang). Ito ay sa physics class namen kung saan pareho kameng take two, Nyeta! First exam namin noon, dahil letter "A" ang last name nya ako naman letter "B" naging mag katabi kame. Nag ka-kagulo ang buong klase dahil umalis ang prof namin, nag kokopyahan silang lahat at dahil hindi ako nangongopya nakaupo lang ako at nag no-nosebleed habang panay ang pindut sa calcu para mag solve ng moment of inertia. Napansin kong ang katabi ko ay hindi rin na ngongopya, inshort nosebleed din sya. Sa madaling salita kame lang ang hindi nagkakadarapa na kumuha ng sagot sa matalino naming classmate. Sariling sikap kung baga. Natapos ang exam. Nag tanong ako sa kanya.

"Pre baket hindi ka nangopya ng sagot ang hirap pa naman ng exam"

"Tsong hindi ako nangongopya bagsak na kung bagsak"

"Ako rin eh, ano course mo?"

"ME Tsong, kaw?"

"ECE"

"Ah okay, may class ka ba after nito?"

"Wala mamya pang hapon"

"Cool, sama ka muna merong Bible Study 'yung Org ko, sama ka.."

Okay. Yan ang kauna-unahang eksena namin 13 years ago and the rest is history ika nga. Mahaba ang panahon ng pinag samahan namin na hinubog ng panahon (parang wine lang) at iba't ibang sirkumstansya ng buhay. Lahat ng kalokohan at problema ay sya ang aking naging kasama. Kapag kulang ang baon ko at sawa na 'ko sa lucky me pancit canton sya ang nag papahiram sa'kin ng pera at ganun din ako pag kelangan nya pambili ng bala ng PSP nya. Pag may problema sa bahay at kelangan ng kasangga sa inuman sya ang kasama ko. Pag wala akong pambayad ng boarding house sya nakikiusap kasi Tita nya may ari ng Boarding house.Unang break-up sya rin ang aking kasangga sa inuman. Pag may bagsak sa Final Grades sya ang taya sa inuman pampalubag loob ko. Hiraman kame ng T-Shirt (mag ka size pa kame noon) kulang nalang pati brip mag hiraman kame.

Lumipas ang limang taon sa College pareho na kameng naging ganap na "Engineer" sa sarili naming mga fields at nag karoon ng sarili naming mga career at buhay pero hindi natapos ang aming pag kakaibigan doon, kasama ng tropa ay nag kikita parin kame parati at nag kakasiyahan. Lumipas ang ilang taon lumipad na sya ng Vancouver, Canada kasama ang kanyang Pamilya para makipag sapalaran sa mas magandang kinabukasan. Mula noon ay hindi na kame nag kita pang muli, tanging balikbayan box na nag lalaman ng gummy worms (alam nya na favorite ko yun) nalang ang dumarating sa akin at email's at bibihirang pag chat, at mga cards tuwing pasko at Birthday's ko. Pero sabi nga it's the thought that counts.

Ngayon sa araw ng iyong kaarawan hayaan mong mabati kita ng isang Happy Birthday!!! Marami ka nang utang sakin hayop ka! Joke! Seriously, maraming salamat sa pagiging tunay na kaibigan, nag karoon ako ng isa pang kapatid sa katauhan mo. Ang mga nakalipas na taon ay priceless at kung kelangan mo ng tulong sabihin mo lang liliparin ko ang Canada para sa'yo basta sagot mo ang pamasahe. Pasensya na dahil hindi ako nakapunta dyan noong namatay ang Dad mo late kasing na aaprove ang Visit Visa ko sorry naman. Congratulations sa second degree mo akalain mong pinataob mo ang Mechanical Engineers ng Vancouver?! Pero hindi ko parin inaaccept na mas matalino ka sakin, okay! Hmp! Onga pala ikaw ang best Man sa kasal ko kaya ihanda mo na ang barong mo. Kung kelan ito ay that's another story :-(

Sana nandito ka dahil kelangan ko ng kasama sa inuman dahil putangena may nag papadugo ng puso ko at kelangan kong mag sumbong sayo. Joke lang ayoko mag emo. Well siguro tama na ang mga salitang yan para masabi ko na happy birthday at namimiss ka na ni Mama ko.

Nga pala sa pag uwi mo ito ang listahan ng pasalubong mo sa'kin dahil 7 years kang hindi nag paramdam puta ka!

1. IPAD paki tawagan nalang ang apple para sa presyo
2. Skullcandy Headphones (color black)
3.Maxtor 1terabyte super slim external HDD
4. 2 Versace Blue Jeans at 1 cool water extream sports at isang Ck One yung color black , 1 CK deo
5. Maraming Nike medyas pwede narin champion medyas
6. CK Boxer brief black only please
7. Tommy PoloShirt, samahan mo narin ng Old Navy yung tag $10.00 lang pwede na yun
8. Anyleather Messenger bag
9. Gummy Worms
10. Nike shoes size 12 bahala ka na mamili or addidas running shoes size 11

KAMAGANAK?! LOL

Again Happy Birhday! See you in October :-D

Si kulokoy noong Winter Olympics



Habang binihilihan ako ni kulokoy ng Tshirt LOL