Boarding house Et Al

College years...

Taon kung saan nag su-sumigaw ang independence ko. Ito rin ang taon na makikita at mahahasa ang pagiging responsable kong anak sa aking magulang at pagiging responsable kong student. First time kong mapapalayo sa aking Mami, Dadi at Bunso para tuparin ang pangarap kong maging isang Engineer. Hawak ang sariling pera sabay walang bantay equals heaven. Ang saya!

Tandang tanda ko pa 'nung inihatid ako sa Maynila papunta sa unang Boarding house ko sa kapusuran ng Quiapo, malapit sa muslim area 'yun. Sakay ang buong Pamilya namin ng Jeep na nirentahan ni Mama para ihatid ako ay binaybay namin ang Maynila. Dala namin ang mga gamit na nai-prepare ni Mama kinagabihan palamang, O.C. kasi yun kaya kumpleto ang gamit namin parati kahit mumurahin lang ito, at gusto nya malinis lahat.

Ang dami nyang pinamili ilan dito ay ang mga sumusunod: Arinola na may pangalan ko sa side, cabinet 'yung may mga aluminum na skeleton tapos parang kapoteng de-zipper. Timba, tabo at batya na may pangalan ko din. Maliit na kaserola, Sandok,Syanse,Rice cooker na naka sulat ang pangalan ko. Halos buong bahay namin ay dala ko na.

Pag dating sa boarding house laking gulat ko ng makita ko ang room namin. walo kame sa isang kwarto. "Oh my effin' God! Buong buhay ko ay mag isa lang ako sa kwarto" bulong ko sa sarili

Matapos ma maitayo ang cabinet kong de-zipper at ma salansan ang mga gamit ko at mga damit. Binilin na ako ni Mama sa Land Lord kong Lawyer, tapos halik halik na ganyan gayan aral daw akong mabuti para daw hindi sayang ang pag kaka sanla ng kalabaw namin. Teary eyed naman ako. Sabi naman ni Papa tipirin ko daw ang allowance ko wag kong ipang iinom at wag daw akong mag drugs para daw makatapos ako kagad.

'Di lingid sa aking ulirat na punong puno pala sila ng expectations. Scarry!

Tawag namin sa Land Lord ko at Kuya Andrei, mabait sya matalino at mataba. Pinakilala nya ako sa mga house mates namin. Hindi ko na sila halos matandaan pero majority students, sakabilang room puro law students kame naman sa kabila halo halo. Merong adik, mag nanakaw, at sugarol.

Bali dalawang kwarto ang apartment namin na ito, walo isang room so all in all 16 kameng lahat. Hindi ko lubos maisip kung paano makakaraos ang isang rush-hour sa 16 katao para sa isang CR na magkasamang paliguan at taihan. Ang pinaka shocking na news pa ay bawal tumae at maligo ng MWF kasi walang tubig.

Ang dami rin naka paskil na reminder sa bawat wall ng bahay. Doon sa may bandang lababo merong naka paskil na "Putang ina mo! Hugasan mo ang pinag kainan mo" sa may loob naman ng CR ay may nakalagay na reminder "Itapon sa trash can ang Sachet ng Shampoo at pag nag tikol ay paki buhusan ang sperms hanggang ma drain, paki flush narin ang tae ng maigi wag magiwan ng mani at corn nakakasuka kasi- Management"

Sobra talaga akong na culture shock noon. Nahirapan din akong mag adjust, naisip ko nalang na nag sasakripisyo ang mga magulang ko kaya dapat ay mag sakripisyo din ako, naisip ko ang sinanla nilang kalabaw at maluha-luha ako. Hindi naman ako pumunta sa Maynila para tumira sa isang magarbong hotel kundi ay para mag aral at makatapos.

Madami akong natutunan sa boarding house namin dahil ako nga ang pinaka bunso noon ako ang baby nila. Natutunan kong mag uwi ng gf t'wing alas tres ng hapon kasi walang tao noon at patay na oras 'yun. Dito rin ako Nakatikim ng shabu (one time lang yun promise) dahil doon sa pusher na room mate ko. Dito rin ako nag simulang humithit ng sigarilyo at uminum ng red horse at Weng weng (Ang weng weng ay pinag halo halong alcohol, kaya weng weng ang tawag kasi ma we-weng-weng ka after mong uminom) Dito rin ako natutung mag Disco (ang sikat pa noon sa mga students ay Arts Venue sa may Taft area) at mag punta sa mga club na kumukutikutitap hindi pa afford noon ang Air Force 1. LOL

Marami 'din akong natutunan sa boarding house ko na iyon tulad ng friendship (Sosyal!) Kahit ganoon ang setup namin ay nag tutulungan kame. Minsan nag share kame ng pagkain tapos nag hihiraman ng tshirt pag may date. Nag tuturuan pag may assignment at nag iinuman pag may birthday!