Bawal Basahin Walang Kwenta

Alright, time for new entry.

Wala akong maisip na maisulat. Wala ako sa mood. Umiinom ako ng toffee nut latte para mag ka organizer ako next year at ma-organize ko ang buhay ko, hangsarap sa dila ng mamahaling drink (Oo walang es), ganun talaga siguro pag hindi ka sanay sa masasarap na inumin. Sanay lang kasi ang kissable lips ko sa home made kape na gawa sa pwet ng tutong na kanin. Dahil sa sobrang wala akong magawang matino today naisipan kong mag flashback habang nag su-sulat, parang random thoughts kung baga, anyway highway, blog ko to so walang ko-kontra, parang freely falling body lang ang pag susulat ko ngayon walang patutunguhan. Hindi physics ang tinutukoy ko.

Eto na ang ang kwento ko.

Dear ate Charo,

Isa akong typical na bata na mahilig sa pompoms chucherya at chikadiz isali narin natin ang Peewee. Batang lumaki sa probinsya, mababaw maitim at cute. Nag la-laro ng tatsing. Na ngo-ngolekta ng tansan at balat ng yosi para gawing pantaya' sa tatsing. Nang-gugulo sa mga nag chi-chinese garter at sa nag ja-jackstone na mga classmates kong girls at hindi masyadong girls. Sa t'wing party namin lagi akong kasali sa sayaw sayawan. Sumayaw ako ng Always I wanna be with you and make it harmony harmony ohhhh woooh.. na sinayaw ng UMD. Ginagaya ko din ang sayaw ng streetboys pero hindi ako marunung mag back lift kaya dun nalang tayo sa Always I wanna be with you and make it harmony harmony ohhhwohhh

Mighty kid ang sapatos ko noon. At tatlo ang ang brief ko meron nakalagay na Jepoy sa garter nito. Isang color white yung dalawa green at blue. Twing umaga nilalagyan ako ni Mama ng polbos na johnson and johnson sa leeg, kilikili, singit at likod at meron pa akong sapin na good morning sa likod para wag daw akong ubuhin.

Mahina ako sa Math pero magaling ako sa Filipino at English. Lagi akong most neat and clean. At parati akong kasali sa honor number ten parati (At least meron). Limang piso ang baon ko noon. nag lalakad lang ako papasok ng iskul kaya marami akong kuto dahil narin siguro sa init ng araw. Meron kameng sujek na HELE (Home Economic and livelyhood Eklabu) pinaka hate ko 'yun na subjek. Hindi kasi ako marunung mag running stitch na merong suut na timble. Hindi ko maintin dihan kung baket kelangan pang mag suut ng timble. Sabi ni Mam kelangan daw 'yun para hindi matusuk ang daliri. E mas lalo ako na tutusok pag may timble. Hindi lang 'yun. Gumagawa din kame ng dustpan, ayokong gumawa nun, hindi ko naman pinangarap maging karpintero. Gusto kong maging doctor. Ang favorite kong subject kasi noon ay Science. Manghang mangha ako sa manila paper na may drawing ng digestive system. Tsaka bunganga na meroon ngipin. Parang na aabsorb ko ang turo ni Mam at interested talaga ako dito. Sobrang saya ko pag Science na. Pag music pwede narin, kasi likas naman akong singer at mabilis akong mag basa ng mga so fa si la ba sa limguhit.

Tunay na mababaw at masaya ang kids days ko.

Meron din malungkot na pangyayari. Tandang tanda ko pa ang buong pangyayari na tila ba yesterday lang ito, it has been 48 years and I can still smell the freshness of the pain (Linya ni Rose yan sa Titanic Tanga!) eto na ang totoo... Kakatapos lang ng new year noon at may pasok na kinabukasan. Nag lilinis kame ng klasrum, may mga tira-tira labintador, five star,pla-pla at lusis. kinuha ko ang mga natirang pla pla at labintador. Ang sabi ng klasmeyt ko punta daw kame sa cr at pasabugin ang inodro.

Syempre sabi ko "Tara"

Tumae muna ang klasmeyt ko, sabi nya hindi daw nya flush tapos ako naman daw ang tumae. Edi tumae naman ako. Tapos tinawag pa nya ang lima pa naming klasmeyt. Tumae din sila. Pag tapos nun pinasabog namin ang inodoro.

"Boom Boom Pow" (Oo ganyan ang sound effects parang black eye peas lang)

Sinilip namin ang CR kung anu ang nangyari. Laking gulat namin nang na basag ng bonggang bongga ang toilet bowl ng CR at nag dikitan ang tae sa ding-ding.

Makalipas ang ang kalahating araw. Nag resign lahat ng Janitor dahil ayaw nilang mag linis ng CR.

Guess what kung anu ang nangyari?!

Oo tama ka. Kame ang nag linis ng CR at nag donate ang Tatay ko ng bagong inodoro. Ang pagalit sakin ni Papa ay ibang istorya na ng buhay ko.

Lubos na Gumagalang,

Jepoy

Salamat sa pag babasa! Kung binasa mo ito tapos hindi ka nag comment strong bones ka sobra ka birtch tree full cream powder milk. I hatechu!