Kapirangot na Update lang...

Hindi ako mapakali, masyado nang nangangati kasi ang betlogs ko. Jowk! Sa katotohanan hindi ako mapakali dahil nga sa kakahintay ng update nang aking possible employment sa Singapore. Last time na ikwento ko na 'yung nangyari diba? Kung 'di mo alam skip read kang Putangina ka. Juk!

So hindi ko tuloy maikwento masyado na umuwi ang mga cousins ko from Canada-Ei.

Na miss ko talaga sila...

Sa sobrang miss ko na excite ako sa pasalubong nila sakin at nag nose bleed ako ng tunay at wagas pati gilagid ko dumugo sa kaka-English at di ko rin makwento na naginom kame at ako ang nalasing dahil hindi naman ako manginginom tapos nag suka ako sa may front desk Area sa isang hotel sa makati tapos nakatulog ako nakayakap sa Inodoro. Tapos kinabukasan pinagalitan ako ng Tito ko dahil ako daw pasimuno nang pag lalasing, eh nayaya lang kaya ako?!

So yun nga...Ang hirap kasing mag hintay nang mag hintay nang update galing sa HR tapos paunti-unti yung update, kainip much. Para lang akong tanga hintay ng hintay ng tawag at email.

Last week dumating na ang aking Kontrata (finally) sa aking papasukang Kumpanya sa Singapore. Okay naman ang package pwedeng makabili ng isang Chicken Rice na pananghalian once a day at kaya naman mag load ng MRT card ng isang bwan. Kaso lang 45 minutes lang ang lunch time, talagang naka stipulate sa kontrata, Shayt! Pero pinirmahan ko narin sayang naman. Mag papakipot pa sana ako at hihingi ng increase sa sweldo kaso baka mauntog sila at magising sa katotohanan na mag hi-hire sila nang isang tatanga-tangang empleyado bwahihihihi

So nag email na nang congratulatory email yung HR tapos nag email na sa akin ng instruction upang i proseso ang aking Work Pass. Ang daming forms, nakakatamad mag fill out.

Para lang sa hindi na kakaalam, sa Singapore naka base yung Hiring mo sa Work Pass approval na manggagaling sa Gobyerno nila. So sa madaling sabi, hindi natatapos ang hiring mo sa Job offer mo, kelangan munang magkaroon ng Work Pass ang isang foreign Applicant bago sya tuluyang masabing "Hired" ng Kumapanyang gusto syang kunin.

Nasa stage na ako na pinupruseso yung Work Pass ko. Ang hirap mag explain. LOL

Ang punto ko, nakakaburaot mag hintay... hindi nalang kasi sabihin na wag ka nang umasa di ka pede finish! Okay, naka-reklamo mode On nanaman ako. LOL Siguro kinakabahan lang ako kasi nasa huling pag hihintay na part na ako, at kating-kati na ko mag resign dito sa aking pinag tra-trabahuhan pero ayoko naman mag resign kasi kung ma decline ang Work Pass ko edi patis at kaning lamig mode on ako?!

Hindi tuloy ako makapag kwento nang maayos sa aking precious blog kasi lagi akong nagbabasa ng forums tungkol sa buhay Singapore, syempre ayoko namang maging tanga-tangahan pag dating ko doon. Isa pa, wala pa akong titirahan at medyo mahal ang gastusin doon, kamusta naman ang pag babalik bedspace?! Hindi ko yata kaya kasama ibang lahi sa kwarto. Baka amoy putok na pinag samang utot na shinake ng 2 weeks sa garapon ang amoy nila, like eiw imma die in pain.Arte lang!