Kwentong Nakalipas

Alam nyo ba yung kanta ni Tina Paner na kay tamis ng unang halik? Sa blockbuster mubi nyang Pepay palay-pay (Sana tama ang title). Kaya' ko na itanong ito kasi nakita ko ang note book ko 'nung elementary, specificaly 'nung grade one. At biglang nag flash back sakin ang mga pangyayari ito...

Si Mama galing sa Palengke excited na ipakita sa amin ang mga pinamiling gamit sa iskul, mukang nakuha yata nya ang midyear bonus galing kay Cory, kaya naman meron syang pambili ng nokbuk namin mag kapatid para sa nalalapit na pasukan. Buwan na kasi ng Hunyo. Karamihan sa mga kalaro namin ay may gamit na at uniporme, ang iba na medyo may kaya sa national bookstore pa bumili at sterling pa ang mga notebooks nila at bagong tahi ang uniform nila, pero kameng mag kapatid eh, wala pa kahit isang monggol at 'yung uniform namin last year 'yun parin ang uniform namin. Naiintindihan naman namin ito at hindi kame nag rereklamo, masaya kame kung anu lang ang meron at kayang ibigay sa amin. Lately lang naman kasi ako naging inggitero pero 'nung time na'yun beri beri slight lang ang pagiging inggitero ko.

Ibinababa ni Mama ang isang basket na nag lalaman ng mga kamatis, okra,Upo,sitaw,Pata at kung anu anu pang pang ulam namin for the next week. Mukang puno ang basket ni Mama di katulad pag walang midyear bonus puro tokwa lang at bukayo ang laman nito.

"Anak tulungan mo nga akong ipasok itong basket at iabot mo sa Papa mo 'yung Richie na juice na naka garapon at sabihin mo i-timpla na nya yun at palamanan na nya kamo ang pandesal ng Lily's peanut butter para sa miryeda natin tutal mag aalas dyes narin naman."

"Opo Mama" Magalang kong sagot.

Na pa- smile ako kasi peyburit ko talaga ang peanut butter. Kahit matae-tae na ako sa kaka-kain nito ay hindi parin ako hihinto sa pag papak nito. Aktuli, lahat nilalagyan ko ng peanut butter ang saging, ang kanin, ang pompoms lahat talaga until now peyburit ko parin ito, nag upgrade lang ng konti from Lily's naging Skippy na these days. Naalala ko 'nung minsan nga tumitigas ang Lily's pag naubos ang mantika sa ibabaw dahil ako lang ang kumakin ay madalas sobrang tumitigas at talaga namang halos mabali ang kutsara ko sa pag kayod para lang ma kuha ang namumuo muong peanut butter habang pawis na pawis ang mura at maliliit kong mga kamay habang suut-suut ang pido dido sando an may ternong shorts na seven up at rambo na tsinelas. Enough of that stupid peanut butter! So iniabot ko na kay Papa ang Richie na juice at dali-daling bumalik kay Mama.

"Oh eto ang walong notebook mo para sa pasukan, hindi mo na kelangan ng writing notebook kasi maganda na ang sulat mo, tsaka anak wag ka ng mag notebook sa math na graphing paper page kasi grade one ka palang naman at kasama narin ang crepe paper at kartolina na idodonate mo sa class nyo sa simula ng klase, eto narin ang tooth brush mo at colgate para sa health corner nyo"

Excited kong tinignan ang cover ng nokbuk ko na bagong bili dahil ito naman ang nakaka ingganyo pag bata ka, hoping ako na sana super mario ang cover ng nokbuk ko o 'di naman kaya voltes five para sikat ako sa klasrum. Pero Na gulantang ako at nanghina nang nakita ko si Tina Paner, Isabel Granada, Keysilyn Francisco, Jestoni Alarcon ang bida sa mga notebooks ko. Napatingin ako kay Mama na maluha-luha na parang naguho ang aking mga dreams.

"Oh baket parang byernesanto ang muka mo, eto tignan mo may pancil case ka pa"

Tinignan ko ang pencil case at sa awa ni Papa Jesus that's-entertainment-na-gawa-sa-manipis-na-lata ang pencil case ko. Wala man lang itong ibat ibang level na pwedeng lagyan ng kung anu anu. Wala rin itong built in na pantasa na tulad sa mayaman kong klasmate na may ari ng patahian sa bayan. At hindi rin ito mabango. At higit sa lahat isa lang ang lapis ko, yung matabang lapis na parang charkowl at may eraser na ang dumidumi pag ginamit mong pambura sa pad paper mong pang grade 1. Syempre dahil mahal ko ang Mama ko nag thank you nalang ako at binigyan sya ng isang sweet kiss kahit masamang masama ang loob ko. Ipinasok ko sa kwarto ko ang mga notebooks na 100 leaves at binalutan nalang ng gift wrap na tinago ko pa last birthday ko at ginamit kong pang cover sa muka nila Manilyn Reynes and friends na naka smile sa notebooks ko at binalutan sila ng aseteyt.

Kaya sa araw ng pasukan. Ang mga notebooks ko ay panay nakabalot ng gift wrap na may happy birthday or minsan naman manila paper or Art paper, hindi naman ako pinag tawanan ng mga klasmeyts ko. Steady lang sila! Kung sabagay aanhin naman ang mgandang notebook nila kung mas matalino ako sa kanila. Chos!

Naka graduate ako ng elementary ng hindi naranasan ang sterling notebook. 'Yung makinis at sarap sulatan. Ay pati pala high school hindi rin ako naka ranas ng ganoong notebook kaya ngayon ang notebook s aoffice sterling at hindi ko sinusulatan ang likod panay harap lang pag puno na tatapon kuna kuha ulit ng bago :-D