Open Letter to Mom

Dear Mama,

Nakakasawa ng gumawa ng open letter, taon-taon ko nalang 'tong ginagawa. Hindi mo naman kasi nababasa kasi nahihiya ako mag send ng sulat shit. Hindi natin itwu kultura bilang isang Pamilya ng mga Sundalo. Kaya tuwing Mother's day gumagawa ako ng ganitong kashitang maarte letter chenes.

Alam mo ba kung baket ko nire-require ang sarili kong padalhan ka ng pera kahit hindi nyo naman exactly kelangan? Simple. Kasi mahal na mahal kita. Kayo. Alam mo na yun, Sus! Action speaks louder than words nga eh. Isang request mo lang kahit nag rereklamo ako, nanginginig pa akong pupunta ng Lucky Plaza para mag remit.

Baket?

Dahil fresh sa akin lahat ng sacrifices mo. Hindi ko makakalimutan ang panahong nakikita kong na ngungutang ka sa mahadera nating kapitbahay ng pang tuition fee ko. Nakita kong pumapatak ang luha mo at sinasabi sa kanyang last na utang mo na yun. Putangina! wala akong magawa noon at sinasabi ko sa sarili kong balang araw mababayaran kita at mag bubuhay Reyna ka. Reyna ng Palengke ganyan.

Alam mo ba kung baket sa tuwing sweldo ko tumatawag ako kagad sa'yo para mag sabi ng I love you at para sabihin na parating na ang caban ng cash?

Para maramdaman mong priority ko kayo habang single pa ko. Para maramdaman mong mahal na mahal kita.

Ngayon mothers day, hindi ako makakapag padala ng flowers. Overrated na kasi. Hindi rin kita isusurprise na uuwi ako, hello Ma ang mahal ng pamasahe. Nag titipid me. Basta mag hintay ka ng delivery dyan hihihihihi.

Hindi ko makakalimutan ang lahat ng sacrifices mo. Sa pag hatid mo sa'kin sa school nung kinder bago ka pumasok sa Opis. Tandang tanda ko na nakasilip ka sa Binta para masigurado mong hindi ako mag ngangangalngal ng iyak. Hindi ko makakalimutan ang pangungutang mo kay Aling Tabud ng Hotdog para lang may makain tayo pag birthday namin ni Bunso. Hindi ko makakalimutan ang pagbili natin ng notebooks tuwing pasukan na dapat limang piso lang per notebook at bawal ang Catleya kasi mahal. Ang pag luto mo ng sinigang na favorite ko. Na pag sabi mo ng ang pogi pogi ko sabay kurot sa Pisngi tapos kiss. Mama, recorded lahat 'yun.

Hindi ako nag sisi na ikaw ang naging Mudrax ko. Hindi hadlang ang kahirapan natin para magkaroon ako ng option na gustuhin na maging nanay ang tulad ni Imelda Marcos. Aanhin ko ang yaman kung hindi naman ikaw ang nanay ko.

Yung bunganga mo tuwing umaga music na sakin 'yun. 'yung paulit ulit mo na kwento hindi ako napapagod makinig.

Mama hindi ko rin makakalimutan ang mga luhang pumatak sa mata mo nung paalis ako ng Pilipinas. Sabi mo anak wag ka nalang umalis. Putangina parang gusto kong mag break down at basagin ang salamin ng Jetstar.

Pero kelangan kong gawin 'to para sakin. para hanapin ang sarili ko. Charot!

Kelangan kong gawin ito para mas maging maginhawa tayo at para mag buhay Reyna ka. 'Yung dream house mo malapit na nating magawa. Promise hindi ako mag aasawa hanggat hindi pa sya tapos.

Mama mahal na mahal kita. Kahit mali mali yung lesson na turo mo sa Math tsaka kahit na Hindi ka magaling mag English tawag mo sa Red Ribon, Blue Ribon. Tawag mo sa Pizza, PichaPie kahit na lahat ng kaibigan kong babae pinag kakamalan mong GF ko sabay lait mo ang panget naman nun anak. Kung maka panget ka kala mo Coco Martin anak mo.

Salamat dahil ikaw unang naniwala sakin. Salamat dahil ikaw Mama ko. Salamat dahil nagawa mong lahat ng Responsibilities mo with flying colors. May mga remarks pero keri na.

Mama I am so proud of you. Wag ka mag kakasakit dahil umiikot ang pwet ko pag nababalitaan kong na hihighblood ka baka ma una pa kong mastroke sayo.

Ma' seryo I heart You. Alam kong proud ka sakin, duhr ikaw na mag ka anak na Valedictorian and Cute.

Happy Mothers Day Mama! I love you soooo much!

PS. Please ayusin mo na passport mo para maka pasyal ka naman sa Singapore hindi yung puro palengke nakikita mo dyan. 1 year na kitang kinakantahan sa Passport mo susme! Sama mo si Papa ha.


Lovingly Yours,

Jepoy